Norræna húsið - Fréttir

Tura Ya Moya trommudans frá Grænlandi

Fri, 3 Feb 2012 12:55:00 +0000

Þjóðminjasafnið hefur fengið dönsku listakonuna Karen Thastum til að koma hingað á safnanótt og setja upp magnaða ljósa- og tónlistarinnsetningu, sem mun umbreyta safnhúsinu að utan jafnt sem innan.Karen mun ásamt Silbat Kuitse segja frá þessu verki og flytja nokkur lög í Norræna húsinu kl. 20.00. Miðaverð 1000 kr.

Norðurbryggja í Kaupmannahöfn auglýsir stöðu umsjónarmanns menningarmála og listasýninga

Wed, 1 Feb 2012 10:22:00 +0000

Iðar þú í skinninu að vinna við menningu og listir? Hefur þú brennandi áhuga á Norður-Atlantshafslöndunum sem og Norðurlöndunum? Þá er vinna í menningarhúsinu NordatlantensBrygge kannski rétta starfið fyrir þig!

Við leitum að umsjónarmanni menningarmála og listasýninga sem sér um skipulagningu,uppsetningu og frágang hinna mismunandi listasýninga hússins, en listamennirnir koma aðallega frá Færeyjum, Grænlandi og Íslandi.

Þjóðararfur og hönnun

Wed, 1 Feb 2012 10:02:00 +0000

Ragna Fróðadóttir, hönnuður og listrænn stjórnandi hjá Edelkoort inc. mun halda fyrirlestur í Norræna húsinu 11.febrúar n.k. kl. 14.00. Um er að ræða svokallað trend forecast sem fyrirtækið Edelkoort er heimsþekkt fyrir. Í fyrirlestri sínum mun Ragna leggja áherslu á áhrif þjóðarmenningar á strauma og stefnur í hönnun.

Safnanótt í Norræna húsinu 2012

Wed, 1 Feb 2012 09:49:00 +0000

Á safnanótt verður rafmögnuð dagskrá í boði í Norræna húsinu. Ljósmyndasýningin 2 mínútur er í anddyri Norræna hússins og lifandi götulist er í sýningarsal í kjallara. Þar verður enn fremur lifandi tónlist og poppkornsstemning. Ungt fólk er sérstaklega velkomið. Húsið verður opið til kl. 23.00

Hugmyndasamkeppni

Fri, 20 Jan 2012 12:15:00 +0000

Miðgarður Reykjavík | Hugmyndasamkeppni í miðborg Reykjavíkur

Norræna húsið í samvinnu við Félag íslenskra Landslagsarkitekta og Hönnunarmiðstöð Íslands, efna til hugmyndasamkeppni um hönnun á svæði sem umlykur Norræna húsið.

Sögustund á norsku

Thu, 19 Jan 2012 09:17:00 +0000

Sögustund á norsku fyrir börn laugardaginn 21. janúar kl. 14 í bókasafni Norræna hússins. Lesið, sungið og spjallað saman á norsku.

Sögustundin er fyrir alla krakka sem tala og skilja norsku og foreldra þeirra.

Tónleikar til heiðurs Paul Motian í Norræna húsinu

Tue, 17 Jan 2012 14:43:00 +0000

Landslið íslenskra jazzleikara leikur í minningu trommarans Paul Motian í Norræna húsinu 19. janúar kl. 21.00
22. nóvember s.l. féll frá bandaríski trommarinn og tónsmiðurinn Paul Motian. Í minningu hans hefur bandaríski trommarinn Scott McLemore (nú búsettur á Íslandi) skipulagt tónleika þar sem tónsmíðum Motian's verður gert skil.
1.500 kr. aðgangseyrir.

ALVARA MÁLSINS - Bókaþjóð í ólestri

Tue, 17 Jan 2012 12:12:00 +0000

Laugardaginn næstkomandi, 21. janúar, verður haldin ráðstefna í Norræna húsinu undir yfirskriftinni ALVARA MÁLSINS – Bókaþjóð í ólestri.

Þar verður fjallað um ískyggilegar niðurstöður rannsókna sem sýna að ört stækkandi hópur ungs fólks getur ekki lesið sér til gagns, hvað þá gamans.

Kynning á landskönnun á mataræði 2010-2011

Tue, 17 Jan 2012 10:16:00 +0000

Kynning á helstu niðurstöðum landskönnunar á mataræði 2010-2011 haldin í Norræna húsinu mánudaginn 23. janúar kl. 15.

VÄGGAR

Fri, 13 Jan 2012 11:25:00 +0000

Samsýning sjö götulistamanna í samstarfi við netgalleríið Muses.is. 28.janúar – 26.febrúar 2012.
Listamennirnir hafa fært listsköpun sína frá veggjum götunnar inn í hið hefðbundna sýningarrými gallerís. Verkin eru undir sterkum áhrifum frá götulistinni og birtast þau í ýmsum formum.

Vilt þú vinna í frjóu og metnaðarsömu umhverfi?

Mon, 9 Jan 2012 09:34:00 +0000

Norræna húsið leitar að öflugum einstaklingi til starfa við húsvörslu. Unnið er eftir vaktafyrirkomulagi og er því hluti vinnutíma á kvöldin og um helgar. Um 100% starf er að ræða.

Arctic Yggdrasil tónleikar

Wed, 4 Jan 2012 15:56:00 +0000

Færeyskur jazz og grænlenskur trommudans með Artic yggdrasil og fleirum laugardaginn 21. janúar í Norræna húsinu.
Tónleikarnir hefjast kl. 20.30
Miðaverð 1000 kr.

Hvað ógnar lífríki Þingvallavatns og náttúru þjóðgarðsins?

Thu, 12 Jan 2012 10:43:00 +0000

ATH: Fundinum er frestað um viku vegna veikinda.

Opinn fundur Landverndar í Norræna húsinu þriðjudaginn 24 janúar kl. 12-13.30. Allir velkomnir.

15:15 tónleikaröðin 2012

Tue, 10 Jan 2012 21:07:00 +0000

15:15 tónleikaröðin er farin aftur að stað á nýju ári. Frá janúar til maí verða alls sex tónleikar á dagskrá. Miðaverð er 2000 kr. Fyrir öryrkja, eldri borgara og námsmenn er miðaverðið 1000 kr.

Ráðstefna um mótun þjóðaröryggisstefnu fyrir Ísland

Thu, 12 Jan 2012 13:23:00 +0000

NEXUS, rannsóknarvettvangur á sviði öryggis- og varnarmála, boðar til ráðstefnu um þjóðaröryggisstefnu Íslands mánudaginn 16. janúar kl. 9.00.

15 15 tónleikar: Vorstemning með hausttilbrigðum.

Tue, 10 Jan 2012 09:26:00 +0000

Sunnudaginn 15. janúar kl. 15:15 leika Greta Guðnadóttir fiðluleikari og Ingunn Hildur Hauksdóttir píanóleikari tónleika í 15:15 tónleikasyrpunni í Norræna húsinu.

Almennt miðaverð: 2000 kr.

Eldri borgarar, öryrkjar og námsmenn; 1000 kr.

15 íslensk menningarverkefni fengu styrk úr Norræna menningarsjóðnum árið 2011.

Thu, 5 Jan 2012 11:12:00 +0000

Á síðasta ári greiddi Norræni menningarsjóðurinn út 23,4 milljónir danskar krónur til 232 norrænna samstarfsverkefna. 15 af þessum verkefnum eru íslensk og fengu þau verkefni samanlagt 1,393 milljónir danskar krónur í styrk.

Skrímslið litla systir mín

Mon, 2 Jan 2012 10:54:00 +0000

Leikhúsupplifun fyrir börn í hæsta gæðaflokki þar sem börnin taka þátt og upplifa í miklu návígi töfra leikhúss, tónlistar og myndlistar. Sýningar hefjast 4.febrúar í Norræna húsinu. Sýningin er um 35 mínútur og listsköpunin á eftir um 45 mín.

Miðaverð: 1500kr.

Miðapantanir á www.midi.is og hjá Norrænahúsinu s: 551 7030

Rafbækur um jólin

Tue, 20 Dec 2011 15:58:00 +0000

Þeir sem eiga eða fá í jólagjöf hverskonar rafbókalesara og eiga kort í bókasafni Norræna hússins geta farið inn á heimasíðu bókasafnsins (þarft ekki að koma í bókasafnið) og fundið þar mikið úrval af nýjustu bókunum á sænsku á rafrænu formi til lestrar og hlustunar. Verið velkomin milli jóla og nýárs í bókasafn Norræna hússins sem er opið kl. 12-17 frá 27-30. des.

Norræna húsið milli jóla og nýárs

Mon, 19 Dec 2011 11:47:00 +0000

Bókasafn Norræna hússins og sýningarsalir eru opin milli jóla og nýárs frá kl. 12 - 17 dagana 27.-30 desember. Verslun og skrifstofur opna að nýju 2. janúar 2012. Við bendum á að veitingastaðurinn DILL er með venjulegan opnunartíma yfir alla hátíðina. Verið velkomin í húsið í jólafríinu ykkar , við tökum fagnandi á móti ykkur.

Uppskrift að glöggi Norræna hússins

Mon, 19 Dec 2011 11:27:00 +0000

Hér er uppskrift að jólaglöggi og eplaskífum Norræna hússins. Glöggið okkar er óáfengt og bragðgott. Uppskriftin er á dönsku en ætti samt ekki að vefjast fyrir neinum. Njótið!

Norræna húsið fylltist þegar utanríkisráðherra Palestínu, Dr. Riyad al-Maliki hélt opinn fyrirlestur þar í gær.

Fri, 16 Dec 2011 10:51:00 +0000

Umræðuefnið var sjálfstæði og fullveldi Palestínu. Dr. Riyad útskýrði hvernig það var að alast upp í frjálsu ríki en Palestína var hertekin af Ísrael þegar hann var 11 ára gamall. Hann sagðist vera drifinn áfram af því að fá son sinn aftur heim en eftir að hann flutti til Dublin til náms í rafmagnsverkfræði og uppgötvaði hvernig það var að ganga frjáls um götur, vildi hann ekki flytja aftur til Palestínu.

Opinn fyrirlestur með utanríkisráðherra Palestínu, Dr. Riyad al-Maliki

Wed, 14 Dec 2011 09:24:00 +0000

Fimmtudaginn 15.desember í Norræna húsinu kl. 14.45 verður opinn fyrirlestur með utanríkisráðherra Palestínu, Dr. Riyad al-Maliki. Hann tók við embætti utanríkisráðherra í maí 2009 og hann er jafnframt opinber talsmaður palestínsku stjórnarinnar.

Norðurlandaráð tekur þátt í UN ráðstefnu um loftlagsbreytingar í Durban 28.nóv-9.des

Mon, 28 Nov 2011 11:56:00 +0000

Markmið Norðurlandaráðs í COP17 er að koma með haldbæra aðferð til þess að sporna við loflagsbreytingum og hvetja aðra til að nýta sömu aðferðir. Hægt er að finna fleiri upplýsingar um aðgerðir Norrænu ráðherranefndarinnar vegna COP17 hér; www.norden.org/cop17 einnig eru upplýsingar um þau verkefni sem Norðurlandaráð hefur komið að og fjalla um loflagsbreytingar.

Gisela, Orlando og Helena

Thu, 24 Nov 2011 15:24:00 +0000

Norsk danssýning 18. des. kl. 20.00.

Í sýningunni Gisela and Orlando's fantastic account of The Beautiful Helena takast Sissel M. Bjørkli og Erlend Samnøen á við fegurðarhugtakið.

Í upphafi skyldi endirinn skoða

Thu, 24 Nov 2011 13:47:00 +0000

Sýningar úr mótunardeild Myndlistarskólans í Reykjavík.

Sýningarnar opna 2. desember kl 17.00 – 19.00.

Allir velkomnir.

ISLEX opnuð í Norræna húsinu

Mon, 14 Nov 2011 15:13:00 +0000

Þann 16. nóvember, á degi íslenskrar tungu, mun íslensk-skandínavíska veforðabókin ISLEX verða opnuð í Norræna húsinu. Formleg opnun verður frá kl. 16-16.30. Að því loknu verður boðið upp á léttar veitingar. Vakin er athygli á ráðstefnu fyrr um daginn á vegum ISLEX sem hefst klukkan eitt á sama stað. Lesa má meira um ráðstefnuna hér.

Sögustund á dönsku í barnahelli bóksafns Norræna hússins

Mon, 14 Nov 2011 14:45:00 +0000

Til forældre med dansktalende børn

Vi indbyder til eventyrtime i børnehulen i Nordens Hus bibliotek, lørdag d. 19. november kl 11.00.

Eventyrtimen arrangeres i samarbejde med den nordiske biblioteksuge som afholdes fra 14. til 20. november. Malene Ørnstrup Petersen, lektor i dansk, læser op af Mustafas kiosk af Jakob Martin Strid

Mustafas kiosk er en rigtig festlig bog fyldt med humør og biblioteksugens tema er i år netop ”Nordisk humor”.

Málþing um nýja dýravelferðarlöggjöf

Fri, 11 Nov 2011 13:14:00 +0000

Dýraverndarsamband Íslands og Norræna húsið halda málþing um nýja dýravelferðarlöggjöf í Norræna húsinu í Vatnsmýri,Reykjavík föstudag 25.nóvember 2011, kl 17.00-20.00.

Hver á að hljóta Umhverfisverðlaun Norðurlandaráðs?

Thu, 10 Nov 2011 15:42:00 +0000

Þema Umhverfisverðlaunanna 2012 er líffræðilegur fjölbreytileiki. Verðlaunin nema 350.000 dönskum krónum.

Allir geta sent inn tilnefningar. Nánari upplýsingar á www.norden.org/miljøprisen