Norræna húsið - Viðburðir Allt

Safnanótt í Norræna húsinu 2012

Wed, 1 Feb 2012 09:49:00 +0000

Á safnanótt verður rafmögnuð dagskrá í boði í Norræna húsinu. Ljósmyndasýningin 2 mínútur er í anddyri Norræna hússins og lifandi götulist er í sýningarsal í kjallara. Þar verður enn fremur lifandi tónlist og poppkornsstemning. Ungt fólk er sérstaklega velkomið. Húsið verður opið til kl. 23.00

Skrímslið litla systir mín

Mon, 2 Jan 2012 10:54:00 +0000

Leikhúsupplifun fyrir börn í hæsta gæðaflokki þar sem börnin taka þátt og upplifa í miklu návígi töfra leikhúss, tónlistar og myndlistar. Sýningar hefjast 4.febrúar í Norræna húsinu. Sýningin er um 35 mínútur og listsköpunin á eftir um 45 mín.

Miðaverð: 1500kr.

Miðapantanir á www.midi.is og hjá Norrænahúsinu s: 551 7030

Norsk sögustund fyrir börn

Thu, 8 Dec 2011 13:46:00 +0000

sunnudaginn 11. des. kl. 14 í bókasafni Norræna hússins.

Lesnar norskar jólasögur, sungin norsk jólalög og spjallað saman. Sögustundin er fyrir alla krakka sem tala og skilja norsku og foreldra þeirra.

Síðdegisbíó í Norræna húsinu

Wed, 7 Dec 2011 14:49:00 +0000

Myndin "Sumar á Íslandi" verður sýnd í Norræna húsinu Sunnudaginn 11.desember kl. 15.00. Aðgangur er ókeypis, allir eru velkomnir.

Gisela, Orlando og Helena

Thu, 24 Nov 2011 15:24:00 +0000

Norsk danssýning 18. des. kl. 20.00.

Í sýningunni Gisela and Orlando's fantastic account of The Beautiful Helena takast Sissel M. Bjørkli og Erlend Samnøen á við fegurðarhugtakið.

Jóladagatal Norræna hússins 2011

Thu, 24 Nov 2011 09:43:00 +0000

Komdu og upplifðu "óvæntan" atburð.

Á hverjum degi kl. 12.34 frá 1. desember og fram til jóla opnum við nýjan glugga á dagatalinu og gestir fá að njóta skemmtiatriðis í sal Norræna hússins.

Allir gestir dagatalsins fá óáfengt jólaglögg og piparkökur til að gæða sér á.

Uppistand

Tue, 25 Oct 2011 14:46:00 +0000

Norræna húsið býður upp á uppistand með Zinat Pirzadeh, Ruben Søltoft og Önnu Svövu Knútsdóttur föstudaginn 11. nóvember kl. 20. Uppistandið fer fram á ensku. Aðgangur er ókeypis.

Bókarkynning á "Iceland and the Images of the North" og málþing: "Ímynd Íslands eftir hrun, hefur umræðan eitthvað breyst?"

Wed, 5 Oct 2011 14:41:00 +0000

Ínor og Reykjavíkur Akademía bjóða upp á bókarkynningu á "Iceland and the Images of the North" og Málþing: "Ímynd Íslands eftir hrun, hefur umræðan eitthvað breyst?" í Norræna húsinu þann 15. nóvember kl. 15:00.

RIFF 2011: ókeypis sýningar fyrir börn og fullorðna

Thu, 22 Sep 2011 14:54:00 +0000

Sýningar fyrir börn og fullorðna – frítt inn

Stuttmyndasýningar fyrir börn og fullorðna alla virka daga kl. 14 frá 26. -30. september Myndir eftir unga teiknimynda og hreyfimyndahöfunda þar sem mannlegi þátturinn er hafður í fyrirrúmi. Skemmtilegar myndir sem höfða jafnt til barna og fullorðinna.

RIFF 2011: málþing um samkeppnishæfni ísl. kvikmynda

Thu, 22 Sep 2011 14:53:00 +0000

Hvert fer íslensk kvikmyndagerð héðan? Þriðjudagur 27. september kl. 16:00

Veigamikið málþing um stöðu og samkeppnishæfi íslenskrar kvimyndagerðar í skugga niðurskurðar og efnahagsþrenginga. Þátttakendur eru fulltrúar íslenska ríkisins og þungavigtarfólk úr kvikmyndaiðnaðinum.

RIFF 2011: Málþing um fjármögnun kvikmynda

Thu, 22 Sep 2011 14:51:00 +0000

Hvaðan koma hin prósentin? Laugardaginn 24. September kl 12:00

Málþing WIFT og RIFF um fjármögnunarferli kvikmynda á Íslandi. Erfitt er að hafa tæmandi yfirsýn yfir þá möguleika sem eru í boði fyrir Íslendinga í fjármögnunarferli kvikmynda og hljóta ýmsar leiðir að vera ókannaðar.

RIFF 2011 - Lone Scherfig

Thu, 22 Sep 2011 14:49:00 +0000

Lone Scherfig, laugardaginn 24. september kl 14:30
Lone Scherfig er meistari í hárfínni persónusköpun. Trekk í trekk sýnir hún okkur smá en mikilvæg atriði sem svipta hulunni af hinu góða og hinu illa án þess að það komi niður á sjálfri framvindu sögunnar. Þótt tónninn sé ætíð léttur þá er samt eitthvað harmþrungið að verki innra með persónum Scherfig, sem eru oftar en ekki venjulegt en svolítið sérviturt fólk.

RIFF 2011: matur og kvikmyndir

Thu, 22 Sep 2011 14:47:00 +0000

Þann 25. September verður sýnd myndin El Bulli og af því tilefni af mun veitingastaðurinn Dill bjóða upp á sérstakan matseðil innblásinn af veitingahúsinu. Veitingastaðurinn El Bulli er lokaður hálft árið á meðan stjörnu kokkurinn Ferram Adriá og samverkamenn hanns halda sérlega matarsmiðju í Barcelona þar sem þeir búa til nýjan matseðil fyrir næsta ár.

Alþjóðleg kvikmyndahátíð - RIFF 2011

Tue, 20 Sep 2011 09:03:00 +0000

Norræna húsið er sem fyrr einn af aðalstyrktaraðilum RIFF. Þann 25. September verður sýnd myndin El Bulli. Af því tilefni mun veitingastaðurinn Dill bjóða upp á sérstakan matseðil innblásinn af veitingahúsinu. Þær myndir sem sýndar eru í húsinu eru m.a. í flokkunum;náttúru/mannréttinda og matarmyndir.

Finnsk sögustund í Norræna húsinu

Thu, 8 Sep 2011 15:00:00 +0000

Norræna húsið býður finnsku og finnskumælandi fólki upp á sögustund einu sinni á mánuði. Við hittumst í fyrsta sinn laugardaginn 24. september kl. 11. Við lesum fyrir börnin og kaffi á könnunni handa foreldrum. Sögustundin er ætluð fyrir börn á öllum aldri og foreldra þeirra. Allir velkomnir til að spjalla saman á finnsku!

Sannleikurinn um loftslagið

Mon, 5 Sep 2011 12:59:00 +0000

Þurrkar, flóð, hitabylgjur, skordýraplágur, skógareldar, hækkun sjávar – við sjáum raunverulegar afleiðingar loftslagsbreytinga á hverjum degi. Fimm árum eftir að kvikmyndin An Inconvenient Truth kom út heldur Nóbelsverðlaunahafinn og fyrrum varaforseti Bandaríkjanna, Al Gore, alþjóðlegan viðburð sem sameinar heimsbyggðina á ögurstundu í hnattrænni meðvitund til að koma áleiðis mikilvægum skilaboðum: Loftslagsbreytingar eru staðreynd og þær eru þegar hafnar. http://climaterealityproject.org/events/husavik/ 14.september kl. 19.00 í Norræna húsinu

Bókmenntahátíð í Reykjavík 2011

Mon, 29 Aug 2011 10:36:00 +0000

Bókmenntahátíð í Reykjavík var haldin í fyrsta skipti árið 1985. Thor Vilhjálmsson rithöfundur, Einar Bragi skáld og Knut Ödegård þáverandi forstöðumaður Norræna hússins stofnuðu til hátíðarinnar og varð hún fljótt einn af helstu viðburðum íslenska bókmenntasamfélagsins.

Norræn siglinga- og strandmenningarhátíð á Húsavík

Wed, 8 Jun 2011 10:21:00 +0000

Í sumar, 16.-23.júlí, verður litrík, ævintýraleg og skemmtileg, strandmenningarhátíð á Húsavík. Hátíðin er sniðin að fjölskyldufólki og verður eitthvað fyrir alla s.s. lifandi handverskssmiðja, tónlist, sýningar, óskalög sjómanna og opnar smiðjur. Kynnið ykkur alla dagskrána á www.sailhusavik.is

Þjóðhátíðardagur Norðmanna í Norræna húsinu

Mon, 16 May 2011 10:12:00 +0000

Norðmenn halda þjóðhátíðardag sinn, 17.maí, hátíðlegan í Norræna húsinu með skemmtilegri dagskrá fyrir alla fjölskylduna.

Vatnsmýrarhátíð 2011

Mon, 2 May 2011 14:49:00 +0000

Norræna húsið býður þér á Vatnsmýrarhátíðina 2011 sem haldin verður 7.maí. Þann dag munum við vígja útilistaverkið „Blómabreiðu“ eftir Ásgarð en það verkefni er unnið í samstarfi með List án landamæra. Margt skemmtilegt verður í boði fyrir alla fjölskylduna s.s. tónlist, hollustunammi, hjólafærni, krítar og sápukúlur, sandkastalakeppni og margt, margt fleira.

Björg í bú í Norræna húsinu á HönnunarMars

Mon, 21 Mar 2011 20:04:00 +0000

Björg í bú frumsýna nýja náttúruafurð, fitulausar kartöfluflögur kryddaðar með íslenskum sjó. Allt frá árinu 1758 hefur kartaflan vaxið við Íslandsstrendur og alltaf átt í nánu ástarsambandi við hafið og afurðir sjávar.

Uppistand með Solju Krapu

Wed, 19 Jan 2011 13:23:00 +0000

Sunnudaginn 30.janúar kl. 20.00 mun Finnsk/sænska ljóðskáldið Solja Krapu vera með uppistand í sal Norræna hússins. Solja hefur gefið út fjölda ljóðabóka og tekið þátt í ljóðaslammi.

Handboltinn er í Norræna húsinu!

Mon, 17 Jan 2011 16:10:00 +0000

Norræna húsið sýnir alla leiki íslenska landsliðsins á breiðtjaldi í sal hússins. Úrslitaleikirnir verða auk þess sýndir þegar að þeim kemur. Aðgangur er ókeypis og allir handboltaaðdáendur eru velkomnir á meðan húsrúm leyfir.

HönnunarMars: DesignMatch í Norræna húsinu

Thu, 13 Jan 2011 12:46:00 +0000

Íslenskum hönnuðum gefst þar tækifæri á að hitta norræna kaupendur, framleiðendur og seljendur hönnunar í þeim tilgangi að kynna fyrir þeim verk sín. Markmiðið er að skapa íslenskri hönnun brautargengi á einum mikilvægasta markaði Íslands, Norðurlöndunum. Skemmst er frá því að segja að verkefnið þóttist takast vel fyrir ári og urðu til viðskiptasambönd sem þegar hafa borið ávöxt.

Jóladagatal Norræna hússins

Mon, 29 Nov 2010 11:12:00 +0000

Á hverjum degi, 1.-23.desember, kl. 12.34 verða óvænt atriði í jóladagatali Norræna hússins.

Það er ljóst hverjir taka þátt en gestir vita ekki hvenær hver er. Þannig er dagatalið líkt og óvænt gjöf.

Jóladagatalið er öllum opið, verið velkomin.

Lúsíuhátíð

Tue, 23 Nov 2010 13:19:00 +0000

13.desember kl. 08.30 verður haldin Lúsíuhátíð að hætti Svía í Norræna húsinu. Sænski Lúsíukórinn á Íslandi flytur hefðbundin jólalög í tilefni dagsins. Það er hátíðleg og falleg stemning í Norræna húsinu þegar börnin birtast með kertaljósin sem lýsa upp mykvið. Stjórnandi kórsins er Maria Cederborg. Að loknum tónleikunum verður boðið upp á kaffi, glögg, lúsíuketti og piparkökur.

Ráðstefna um líf og starf stofnenda trúarbragða

Thu, 11 Nov 2010 14:25:00 +0000

Samfélag Ahmadiyya múslima á Íslandi stendur fyrir ráðstefnu um líf og starf stofnenda trúarbragða. Ráðstefnan fer fram í Norræna húsinu, er öllum opin og aðgangur ókeypis. verið velkomin.

Áhugaverður fyrirlestur

Wed, 3 Nov 2010 09:13:00 +0000

Gunvor Kronman, forstjóri Hanaholmen, flytur fyrirlestur í boði Stofnunar Vigdísar Finnbogadóttur og Norræna hússins um verkefnið „Svenska nu“. Fyrirlesturinn verður haldinn í Norræna húsinu föstudaginn 5. nóvember kl. 15. Verkefnið „Svenska nu“ hefur hlotið verðskuldaða athygli og í erindinu fjallar Gunvor Kronman um þær nýstárlegu leiðir sem farnar eru til að vekja áhuga finnskra nemenda á að læra sænsku.

Léttur hádegisverður

Fri, 22 Oct 2010 10:40:00 +0000

Ólafur Örn Ólafsson og Gunnar Karl Gíslason frá veitingastaðnum Dill bjóða upp á sýnishorn af túlkun sinni á Nýja norræna eldhúsinu. Mads Holm frá Norræna húsinu segir frá verkefninu Nýr norrænn matur; hvernig er hann? Til hvers notum við hann? Hvert er hann að fara?

Gerpla

Fri, 22 Oct 2010 10:37:00 +0000

Þormóður Kolbrúnarskáld leggur allt í sölurnar fyrir hetjuhugsjónina og skáldskapinn. Hann yfirgefur konu sína og börn en að endingu þarf hann að horfast í augu við það að ef til vill færði hann allar þessar fórnir fyrir rangan málstað. Fyrir eitthvað sem var hégómi einn. Gerpla í uppfærslu Þjóðarleikhússins er leikur með þjóðararfinn þar sem vísað er í söguöldina og þjóðleg minni. Sýningin hefur notið mikilla vinsælda og verið tilnefnd til fjölda verðlauna.