Norræna húsið - Viðburðir Ráðstefnur og málþing

ALVARA MÁLSINS - Bókaþjóð í ólestri

Tue, 17 Jan 2012 12:12:00 +0000

Laugardaginn næstkomandi, 21. janúar, verður haldin ráðstefna í Norræna húsinu undir yfirskriftinni ALVARA MÁLSINS – Bókaþjóð í ólestri.

Þar verður fjallað um ískyggilegar niðurstöður rannsókna sem sýna að ört stækkandi hópur ungs fólks getur ekki lesið sér til gagns, hvað þá gamans.

Kynning á landskönnun á mataræði 2010-2011

Tue, 17 Jan 2012 10:16:00 +0000

Kynning á helstu niðurstöðum landskönnunar á mataræði 2010-2011 haldin í Norræna húsinu mánudaginn 23. janúar kl. 15.

ISLEX opnuð í Norræna húsinu

Mon, 14 Nov 2011 15:13:00 +0000

Þann 16. nóvember, á degi íslenskrar tungu, mun íslensk-skandínavíska veforðabókin ISLEX verða opnuð í Norræna húsinu. Formleg opnun verður frá kl. 16-16.30. Að því loknu verður boðið upp á léttar veitingar. Vakin er athygli á ráðstefnu fyrr um daginn á vegum ISLEX sem hefst klukkan eitt á sama stað. Lesa má meira um ráðstefnuna hér.

Kajsa Ingemarsson á Höfundakvöldi

Wed, 25 May 2011 10:46:00 +0000

Sænski rithöfundurinn Kajsa Ingemarsson er gestur okkar á næsta höfundakvöldi. Kajsa Ingemarsson þekkt skáldkona og sjónvarpskona frá Svíþjóð en Forlagið hefur gefið út tvær af bókum hennar: Sítrónur og saffran og nýútkomna bók Allt á floti. Þórdís Gísladóttir, þýðandi Allt á Floti mun ræða við Kajsu. 1.júní kl. 20.00

Eva Gabrielsson á Höfundakvöldi #4

Thu, 12 May 2011 14:45:00 +0000

Sænski rithöfundurinn Eva Gabrielsson kemur fram á höfundakvöldi # 4 12.maí n.k. kl 20:00 . Hún er þekktust sem ekkja Stieg Larsson en er jafnframt höfundur nokkurra bóka sjálf og eru þær fáanlegar á bókasafni Norræna hússins. Þóra Arnórsdóttir mun ræða við hana um höfundaverk hennar.

Sænskur barnaklúbbur

Mon, 9 May 2011 13:34:00 +0000

Sænska félagið, í samvinnu við Norræna félagið og Norræna húsið, stendur fyrir barnaklúbbi fyrir sænkumælandi börn á Íslandi.Hugsunin er að börn sænska foreldra sem og börn Íslendinga sem búið hafa í Svíþjóð fái tækifæri til að hittast og tala sænsku. Dagskrá verður í boði hverju sinni.

Fyrsta skiptið verður laugardaginn 30. apríl kl. 11:00 - 12:30 í húsnæði Norræna félagsins á Óðinsgötu 7 en dagskrá verður í gangi næstu
fjóra laugardaga, 30. apríl og 7., 14. og 21. maí, fyrst tvö skiptin á Óðinsgötu en seinni tvö í Norræna húsinu.

Foreldrar eru beðnir um að skrá börn sín á netfanginu asdis@norden.is.

Höfundakvöld #3 Bækur og garðverkin

Mon, 2 May 2011 14:43:00 +0000

5.maí kl. 20.00. Á þriðja höfundakvöldi Norræna hússins munum við fanga þennan áhuga og höfum fengið til liðs við okkur höfunda sem allir tengjast nýútkomnum og endurútgefnum bókum sem fjalla um matjurtarækt.

Bruno Gröning Stofnunin með fyrirlestur í Norræna húsinu

Wed, 27 Apr 2011 12:34:00 +0000

Faghópur dönsku Bruno Gröning Stofnunarinnar um læknisfræði og vísindi, heldur fyrirlestur í Norræna húsinu föstudaginn 6. maí frá kl 18-21.

Yfirskrift fyrirlestranna er Heilbrigði í gegnum andlegar leiðir, eftir kenningum Bruno Grönings -læknisfræðilegar staðreyndir.

Fyrirlesari er Oliver Bonifer frá Finnlandi.

6. maí kl. 18-21

Þörungar í matargerð

Wed, 27 Apr 2011 12:23:00 +0000

G. Mouritsen, prófessor við Syddansk Universitet, heldur opinn fyrirlestur um nýtingu þörunga í matargerð á morgun 28. apríl í sal Norræna hússins, kjallara. Fyrirlesturinn, sem hefst klukkan 19.30, fjallar um þörunga sem eru mikilvægur hluti af mataræði í mörgum löndum Asíu. Notkun þeirra í matargerð hefur ekki náð fótfestu á Vesturlöndum nema að litlu leyti. Ole telur líklegt að þörungar verði stærri hluti af mataræði Vesturlandabúa í framtíðinni enda séu þeir afbragðs matvæli.

28.apríl kl. 19.30

Norrænn módernismi

Fri, 11 Mar 2011 11:25:00 +0000

Seminar um módernisma á Norðurlöndunum verður haldið í Norræna húsinu 18.mars.

I anledningen af Islands Universitets 100-års jubilæum afholder de nordiske lektorer og Árni Magnússon Instituttet for Islandske Studier et heldagsseminar med temaet nordisk modernisme. Inspireret af rammen, Nordens Hus i Reykjavik, vil seminariet lægge vægt på tendenser og hovedllinjer inden for nordisk modernisme i litteratur, billedkunst og arkitektur. Forelæserne er forskere, kritikere og forfattere.

Stofnfundur Samtaka lífrænna neytenda

Tue, 1 Mar 2011 15:16:00 +0000

Stofnfundur Samtaka lífrænna neytenda verður í Norræna húsinu 7.mars kl. 19:30 . Tilgangur samtakanna er að stuðla að aukinni framleiðslu og neyslu vottaðra lífrænna vara á Íslandi með velferð almennings, búfjár og umhverfisins að leiðarljósi.

Fræðslufundur Lions í minningu Þórunnar Gestsdóttur

Tue, 15 Feb 2011 15:05:00 +0000

Miðvikudaginn 23. febrúar 2011 -kl. 16:30-18:30 verður fræðslufundur Lions í minningu Þórunnar Gestsdóttur í Norræna húsinu. Dagskráin er fjölbreytt og á meðal fyrirlesara eru Kristinn Hannesson, Fanney Proppé, Jón Snædal og Kristinn Johnson.

Verkið verður keypt en dyggðin ekki

Tue, 16 Nov 2010 15:49:00 +0000

Ráðstefna á vegum Verkfræðingafélags Íslands. Aðgangseyrir 1500 kr.

Ráðstefna um líf og starf stofnenda trúarbragða

Thu, 11 Nov 2010 14:25:00 +0000

Samfélag Ahmadiyya múslima á Íslandi stendur fyrir ráðstefnu um líf og starf stofnenda trúarbragða. Ráðstefnan fer fram í Norræna húsinu, er öllum opin og aðgangur ókeypis. verið velkomin.

Goð og gyðjur: ráðstefna

Mon, 8 Nov 2010 13:04:00 +0000

Ráðstefna haldin í Norræna húsinu á vegum Háskóla Íslands. Skráning fer fram hér: http://notendur.hi.is/~terry/myth&liminality/introduction.html

Norðurslóðadagurinn

Mon, 8 Nov 2010 12:39:00 +0000

Norðurslóðadagur, með áherslu á breytingar á norðurslóðum: vöktun umhverfis og samfélags, verður haldinn í Norræna húsinu í Reykjavík, miðvikudaginn 10.nóvember 2010, frá kl. 09:00 til 16:00.Fluttir verða sjö fyrirlestrar og síðan verða pallborðsumræður um stöðu rannsókna, vöktunar og alþjóðlegrar samvinnu á norðurslóðum. Ýmis veggspjöld og kynningarefni verður til sýnis. Deginum lýkur með minningarfyrirlestri Vilhjálms Stefánssonar

Reykjavík Central Park

Thu, 21 Oct 2010 12:47:00 +0000

Teiknistofan h a p p y s p a c e frá Stokkhólmi, kynnir tillögu sína fyrir

svæðið sem liggur milli Ráðhússins og Nauthólsvíkurinnar. Tillagan er teiknuð að beiðni Norræna hússins. Tillagan byggir á landfræðilegum og jarðfræðilegum sérkennum svæðissins og endurheimt votlendissins. Fer fram í Ráðhúsinu kl. 12.00 5. nóvember