Hamsunhelgi: Kvikmyndir og Málþing

• Saturday 1. May 2010 - Tuesday 26. October 2010

Knut Hamsun

Það eru 150 ár frá fæðingu norska rithöfundarins Knut Hamsun. Bækur hans

hafa verið ákaflega vinsælar á Íslandi í afar vönduðum þýðingum Jóns

Sigurðssonar. En þó bækur Hamsun séu elskaðar hefur höfundurinn verið

umdeildur ekki minnst í Noregi. Afstaðan til Hamsun varðar öll meginsvið í

tilveru okkar; pólitík, siðfræði, fegurð og samkennd, svo nokkuð sé nefnt.
Margar kvikmyndir hafa verið gerðar eftir skáldsögum Hamsun og tvær

þeirra; Gróður jarðar (1921) og Pan (1995) verða sýndar í Norræna húsinu

kl. 15.00 og 17.00 laugardaginn 3. október.

Á málþingi Bókmennta- og listfræðistofnunar Háskóla Íslands og Norska

sendiráðsins sem ber yfirskriftina, Knut Hamsun - mikilvægur og umdeildur,

fjalla fimm fræðimenn um stílsnillinginn, glæsimennið, svikarann og gátuna

Knut Hamsun en þó fyrst og fremst um verk hans. Málþingið fer fram í

Norræna húsinu, sunnudaginn 4. október og hefst klukkan 13.30.

 Dagskráin

Laugardaginn 3. október - kvikmyndasýning

Kl. 15.00 Markens grøde (1921), leikstjóri: Gunnar Sommerfeldt, lengd 107

mín.

Kl. 17.00  Pan  (1995), leikstjóri: Henning Carlsen, lengd 115 mín.

Sunnudaginn 4. október kl. 13.30-17.00

Málþing:  Knut Hamsun - mikilvægur og umdeildur.

Dagskrá málþingsins er aðgengileg á vef HÍ

Heimildarmyndin: Dreymt og upplifað

Heimildarmyndin  “Dreymt og upplifað",   

Knut Hamsun 1859-1952" eftir norska leikstjórann Knut Erik Jensen

Norræna húsið 8. október kl. 20.00

“Þann tíma sem ég  vann að myndinni um líf Hamsuns, þá bæði dreymdi mig hann og  upplifði. Hamsun er bæði lifandi og látinn.”                                                                     

Knut Erik Jensen leikstjóri                                                                                      

“Mér er ekki kunnugt um að nokkur muni eftir eða hafi upplifað líf sitt í réttri tímaröð.  Eigin mistök  í lífinu getur maður fyrst skilið eða útskýrt eftirá. Það eru þessi hugmyndatengsl er grundvöllur myndarinnar.”                                                                                                                

Knut Erik Jensen leikstjóri  

Enginn aðgangseyrir