Norræna húsið - Viðburðir Sýningar

VÄGGAR

Fri, 13 Jan 2012 11:25:00 +0000

Samsýning sjö götulistamanna í samstarfi við netgalleríið Muses.is. 28.janúar – 26.febrúar 2012.
Listamennirnir hafa fært listsköpun sína frá veggjum götunnar inn í hið hefðbundna sýningarrými gallerís. Verkin eru undir sterkum áhrifum frá götulistinni og birtast þau í ýmsum formum.

Í upphafi skyldi endirinn skoða

Thu, 24 Nov 2011 13:47:00 +0000

Sýningar úr mótunardeild Myndlistarskólans í Reykjavík.

Sýningarnar opna 2. desember kl 17.00 – 19.00.

Allir velkomnir.

2 mínútur- ljósmyndasýning

Fri, 18 Nov 2011 14:32:00 +0000

Regin Weihe Dalsgaard sýnir myndir af grindarhvaladrápi í Færeyjum á sýningunni sinni "2 mínótur" sem opnar 14.janúar og stendur til og með 12. febrúar. Myndirnar varpa óvenjulegu ljósi á viðfangsefnið. Meginþema sýningarinnar eru viðbrögð áhorfenda á grindarhvaladrápin en ekki drápin sjálf. Sjón er sögu ríkari.

Strangir fletir

Mon, 7 Nov 2011 11:18:00 +0000

Samsýning Sigurðar Þóris og Sigurðar Örlygssonar opnar í sýningarsölum Norræna hússins 26. nóvember og stendur til 9.janúar.

Opnun sýningarinnar er 26. nóvember kl. 16.00. Vertu velkominn.

Sýningin er opin alla daga frá 12-17. Lokað mánudaga.

Hávamál

Thu, 6 Oct 2011 09:30:00 +0000

Sýning með myndum Kristínar Rögnu úr Hávamálum er í anddyri Norræna hússins til og með 20.nóvember. Hávamál geyma orð Óðins og skiptast í sex þætti og þann þekktasta þeirra, Gestaþátt, hefur Þórarinn Eldjárn endurort fyrir þessa bók.

Sýning heimildarmyndarinnar The Future of Food

Tue, 4 Oct 2011 15:23:00 +0000

Samtök lifrænna neytenda býður upp á kvikmyndasýningu í Norræna húsinu á þriðjudag 11. október kl. 20. Myndin heitir “The Future of Food” en fjallar hún um sannleikinn á bak við nútíma matvælaframleiðslu. Lesa má meira á: http://www.thefutureoffood.com. Umræður eftir myndina. Ókeypis inngangur, allir velkomnir!

Matarleikhús - Völuspá: A Nordic Food Expedition

Fri, 23 Sep 2011 13:27:00 +0000

Völuspá - A Nordic Food Expedition er samstarfsverkefni leikhússins Republique í Kaupmannahöfn, Norræna hússins og DILL veitingastaðar og byggist bæði á ævafornum textum Völuspár og norrænni matarmenningu. Verkið verður flutt dagana 23. október til 2. nóvember 2011 og er einkum ætlað fullorðnum.

Hlutlægar portrettmyndir e. Alex Galmeanu -RIFF 2011

Tue, 20 Sep 2011 15:23:00 +0000

Í tengslum við RIFF er ljósmyndasýningin "Subjective Portraits" eftir Alex Galmeanu sett upp í anddyri Norræna hússins. Á sýningunni má sjá portrettmyndir af þekktum rúmönskum leikurum og kvikmyndagerðarmönnum. Sýningin opnar 24.september og stendur til 2. október.

Nadine Cabarrot í sýningarsal Norræna hússins

Thu, 25 Aug 2011 00:00:00 +0000

Sýning Nadine í sýningarsal Norræna hússins til 18. september. Enginn aðgangseyrir.

Nadine er fædd í suðvestur Frakklandi árið 1953. Á sýningunni má sjá m.a ljósmyndir, grafíkverk, myndlist og textaverk eftir Nadine Cabarrot.

Rimantas Dichavicius sýnir ljósmyndir

Mon, 15 Aug 2011 13:19:00 +0000

Í tilefni af heimsókn forseta Litháens setjum við upp sýningu ljósmyndarans Rimantas Dichavicius. Sýningin stendur frá 23.Ágúst - 27.ágúst.

Litháíski listamaðurinn Ciurlionis sýnir

Mon, 15 Aug 2011 13:14:00 +0000

Forseti Litháens heimsækir Ísland heim og að því tilefni verður sett upp sýning á helstu verkum litháíska listamannsins Ciurlionis. Sýningin stendur yfir frá 21.ágúst - 28.ágúst.

Leiðsögn um Norræna húsið

Wed, 6 Jul 2011 10:08:00 +0000

Norræna húsið býður ykkur á leiðsögn um Norræna húsið með hinum heimsfræga Arkitekt Alvar Aalto (túlkaður af leikara), þar sem gestum er kynnt saga hússins, hönnun og saga meistarans sjálfs ásamt því að smakka á þeim kræsingum sem að Dill Restaurant, besta eldhús landsins, hefur uppá að bjóða. Komið og kynnist betur menningarperlu í hjarta borgarinnar frá mánudegi - laugardags klukkan 11 og 13. Athugið að á laugardögum er ein leiðsögn kl. 13.00. Leiðsögnin fer fram á ensku.

Vensl

Mon, 16 May 2011 10:32:00 +0000

Myndlistarmaðurinn Jóhannes Dagsson sýnir í Norræna húsinu 9.júlí - 14.ágúst. Sýningin nefnist Vensl.Venslin sem titill sýningarinnar vísar til eru milli margskonar fyrirbæra. Vensl upplifunar af landslagi og listasögunnar, vensl lita og forma, þekkingar og skynjunar, hins almenna og hins sértæka, hversdagsins og upphafins augnabliks, vensl kaldhæðni og einlægni. Venslin sjálf eru einnig af ólíkum gerðum; samhverf, ósamhverf, gegnvirk, sjálfhverf, ósjálfhverf; og milli heims og manns.

Verkefni 0

Fri, 13 May 2011 13:49:00 +0000

ATH. Leiðsögn verður um sýninguna Sunnudaginn 5.júní kl. 13.00. Verkefni "0" er norsk sýning og fást listamennirnir allir við hinn póstmoderniska raunveruleika á brotakenndan og margbreytilegan hátt.

Það sem ég finn í því sem ég fann

Wed, 4 May 2011 14:48:00 +0000

Laugardaginn 7. maí opnar sýningin Það sem ég finn í því sem ég fann.

Á sýningunni má sjá verk eftir leikskólabörn á Laufásborg, stúlkur og drengi á aldrinum 3ja til 5 ára. Verkin eru unnin úr efniviði sem kom til þeirra úr öllum áttum, sumt sem börnin fundu sjálf og það sem leikskólanum hefur verið gefið, verk úr tré, rusli, textil og gifsi.

7. - 15.maí

Víðátta og rjóður

Wed, 4 May 2011 12:44:00 +0000

Laugardaginn 21.maí opnar í Norræna Húsinu sýningin Víðátta og rjóður sem unnin er upp úr syrpu listbúða sem haldnar voru þrjú sumur í þremur norrænum löndum fyrir ungmenni úr þremur norrænum lista- og byggingarlistarskólum.

Íslensk eldfjöll með augum finnsks listafólks

Wed, 4 May 2011 10:10:00 +0000

Eldgosið í Eyjafjallajökli árið 2010 birtist Finnum sem ekki aðeins hættulegt ástand heldur einnig sem ákfalega fallegt. Nemendur og leiðbeinendur í skólanum Kiipula í Turenki í Finnlandi söfnuðu myndum og fréttum af gosinu og unnu útfrá þeim röð málverka sem verða nú sýnd í Norræna húsinu.

Slippery terrain

Mon, 11 Apr 2011 20:52:00 +0000

Er hópur 6 listamanna frá Svíþjóð, Finnlandi, Kanada og Íslandi sem munu setja upp sýningu þar sem Friðlandið í Vatnsmýrinni og umhverfi Reykjavíkurtjarnar er aðal innblásturinn.

Skapandi snillingar 2007

Wed, 6 Apr 2011 14:51:00 +0000

Leikskólarnir í vesturbænum tóku sig saman og ákváðu að leyfa börnum sem fædd eru það skemmtilega ár 2007 að sýna hvað í þeim býr. Úr því urðu mörg mismunandi listaverk, enda 9 leikskólar sem tóku þátt og um 200 börn sem eru með í þessari sýningu. Verk barnanna verða til sýnis í Barnahellinum í Norræna húsinu dagana 12. -17. apríl. Þar er opið alla daga frá 12-17. Endilega komið og skoðið þessi frábæru listaverk sem börnin hafa búið til.

Fyrirlestrargjörningurinn Ekkert á Sequences

Mon, 4 Apr 2011 14:53:00 +0000

Ekkert, andastæða alls, hefur verið umfjöllunarefni hinna ýmsu greina vísinda og lista á öllum tíma. Engu að síður hefur spurningunni um hvort hægt sé að skapa altæmi aldrei verið fyllilega svarað. Í þessum fyrirlestrar-/útgáfugjörningi leggur sviðslistamaðurinn Friðgeir Einarsson sitt af mörkum í leitinni að „engu.“

Stefnumót hönnuða frá Rússlandi og Íslandi

Mon, 21 Mar 2011 15:26:00 +0000

Stefnumót rússneskra og íslenskra fatahönnuða verður í Norræna húsinu á HönnunarMars 26.mars. Tilefnið er heimsókn rússsneskra fatahönnuða á HönnnarMars og samstarf vegna viðburðarins Nordic Look sem verður í St. Pétursborg í haustið 2011.Viðburðurinn fer fram á ensku.

Kýraugað

Wed, 16 Mar 2011 14:43:00 +0000

Bruno Compagnon er franskur ljósmyndari sem sérhæfir sig í búfénaði. Undanfarin tvö sumur hefur hann ferðast um Ísland og myndað landslag, mannlíf og nautgripi. Norræna Húsið sýnir nú myndir Brunos þar sem hin íslenska mjólkurkýr er í aðalhlutverki. Sýningin er frá 19.mars til 20.apríl.

Kjammi og kók: Íslensk matarhefð í íláti

Tue, 15 Mar 2011 15:29:00 +0000

Leirlistafélag Íslands opnar sýningu á HönnunarMars í Norræna húsinu. HönnunarMars er haldin í þriðja sinn og nú í ár er yfirskrift sýningarinnar íslensk matargerð í íláti. Á sýningunni eru tólf félagsmenn að velta fyrir sér formum og hugmyndum um íslenskan mat og hefðir íslendinga tengdum mat, svo sem verkfæri og ílát sem við höfum notað í gegnum tíðina sem tengjast íslenskum matarhefðum.

MANNA*-annars konar sýning um mat

Mon, 21 Feb 2011 10:00:00 +0000

ATH: Síðasti sýningardagur 1.maí. Viltu vita meira um matinn okkar? Vitum við í raun hvaðan hann kemur og hvernig hann verður til? Manna er sýning sem höfðar til allra skilningarvitanna, sýning þar sem fjallað er um sambandið milli fæðu og umhverfis, hvernig við vanmetum áhrif okkar á náttúruna og birtir okkur vistfræðilegan veruleika vors daglega brauðs. Málefnið er sett fram á myndrænan og lifandi hátt þar sem húmor og jákvæðni er höfð að leiðarljósi.

I Vesterveg

Wed, 2 Feb 2011 13:31:00 +0000

Sýningin I Vesterveg er afrakstur samvinnu listamanna frá Íslandi, Færeyjum, Hjaltlandseyjum og Noregi og er verkefnið styrkt af Norrænum sjóðum.Sýningin opnar formlega, laugardaginn 12.febrúar.

Ljósmyndasýning Oddvin Horneland

Tue, 1 Feb 2011 08:55:00 +0000

Verið velkomin á opnun sýningar Oddvin Horneland i anddyri Norræna hússins 20.febrúar kl. 14.00.

Jens Damkjær Nielsen

Tue, 18 Jan 2011 15:38:00 +0000

Grafíklistamaðurinn Jens Damkjær Nielsen sýnir í anddyri Norræna hússins 22.janúar - 13.febrúar. Sýningin opnar kl. 16.00, laugardaginn 22.janúar, allir velkomnir.

Höklar Herders

Thu, 16 Dec 2010 10:25:00 +0000

Herder Andersson sýnir í Norræna húsinu altarisklæði, hökkla, dúka og muni sem tengjast kristinni trú og handverki. Herder hefur frá árinu 2006 saumað alls 26 hökkla í öllum litum kirkjuársins ásamt stólum sem hann hefur gefið Langholtskirkju auk þess til annarra kirkna. Hann hannar mynstrin og velur litina sjálfur og eru þau bæði hefðbundið og nýstárleg.

Ljósmyndasýningin Gengið um garðinn

Tue, 7 Dec 2010 11:50:00 +0000

Björg Þorsteindóttir er menntuð í myndlist í Reykjavík, Stuttgart og París. Myndirnar, sextán að tölu, sem verða til sýnis í anddyri Norræna hússins eru allar frá kirkjugarðinum í Pori. Sýningin nefnist “Gengið um garðinn” stendur frá 8.-19. janúar 2011 og er opin frá kl. 12-17 daglega.

Budo: Saga japanskra bardagalista

Mon, 8 Nov 2010 11:04:00 +0000

Sýningin Budo: saga japanskra bardagalista opnar 21. nóvember kl. 14:00. Á sýningunni getur að líta muni er tengjast japönskum bardagalistum. Annars vegar endurgerðir og frumgerðir af vopnum, brynjum og hjálmum og hins vegar er fjallað um hvernig andi bardagalistanna hefur áhrif á japanskan hversdagsleika.