Norræna húsið - Viðburðir Tónleikar

Skuggalegt í skammdeginu

Mon, 6 Feb 2012 10:53:00 +0000

Skyggnst verður í skuggalegri hluta menningararfs þjóðarinnar í Norræna húsinu fimmtudaginn 9. febrúar kl. 20:30. Félagar úr Kammerkór Seltjarnarneskirkju flytja þjóðlög og önnur verk íslenskra tónskálda þar sem þjóðsagnaarfurinn er viðfangsefni.

Tura Ya Moya trommudans frá Grænlandi

Fri, 3 Feb 2012 12:55:00 +0000

Miðvikudagur 8.febrúar kl. 20.00 Karen Thastum segir frá verkum sínum og í bland við grænlenskan trommudans. Miðaverð 1000 kr.

Tónleikar til heiðurs Paul Motian í Norræna húsinu

Tue, 17 Jan 2012 14:43:00 +0000

Landslið íslenskra jazzleikara leikur í minningu trommarans Paul Motian í Norræna húsinu 19. janúar kl. 21.00
22. nóvember s.l. féll frá bandaríski trommarinn og tónsmiðurinn Paul Motian. Í minningu hans hefur bandaríski trommarinn Scott McLemore (nú búsettur á Íslandi) skipulagt tónleika þar sem tónsmíðum Motian's verður gert skil.
1.500 kr. aðgangseyrir.

15:15 tónleikaröðin 2012

Tue, 10 Jan 2012 21:07:00 +0000

15:15 tónleikaröðin er farin aftur að stað á nýju ári. Frá janúar til maí verða alls sex tónleikar á dagskrá. Miðaverð er 2000 kr. Fyrir öryrkja, eldri borgara og námsmenn er miðaverðið 1000 kr.

15 15 tónleikar: Vorstemning með hausttilbrigðum.

Tue, 10 Jan 2012 09:26:00 +0000

Sunnudaginn 15. janúar kl. 15:15 leika Greta Guðnadóttir fiðluleikari og Ingunn Hildur Hauksdóttir píanóleikari tónleika í 15:15 tónleikasyrpunni í Norræna húsinu.

Almennt miðaverð: 2000 kr.

Eldri borgarar, öryrkjar og námsmenn; 1000 kr.

Arctic Yggdrasil tónleikar

Wed, 4 Jan 2012 15:56:00 +0000

Færeyskur jazz og grænlenskur trommudans með Artic yggdrasil og fleirum laugardaginn 21. janúar í Norræna húsinu.
Tónleikarnir hefjast kl. 20.30
Miðaverð 1000 kr.

Grænlenskir tónleikar í Norræna húsinu

Tue, 6 Dec 2011 15:59:00 +0000

Á laugardaginn þann 11. desember mun slagverkshljómsveitin Papii flytja tónleikar í Norræna húsinu. Hún spilar hefðbundna grænlenska þjóðlagatónlist í bland við nútímalegri takta. Papii er hlíðarverkefni tónlistarmanna hljómsveitarinnar Liima Inui. Tónleikarnir hefjast kl. 19. Aðgangur er ókeypis.

Lúsíuhátíð í Norræna húsinu

Wed, 30 Nov 2011 14:19:00 +0000

Lúsíuhátíð í Norræna húsinu, þriðjudaginn 13. desember kl. 08.00

Í Svíþjóð og á Norðurlöndum er siður að halda Lúsíuhátíð 13. desember þar sem Lúsía og og þernur hennar syngja Lúsíu- og jólalög.

Sænski barnakórinn, Lúsíukórinn á Íslandi flytur hefðbundin jólalög í tilefni dagsins.

Þar sem sönggleði og léttar laglínur ráða ríkjum

Mon, 21 Nov 2011 10:15:00 +0000

Síðdegis sunnudaginn 27. nóvember kl. 16.00 verður skammdeginu sagt stríð á hendur. Vopnuð laglínum, sem fólk hefur sungið sér til skemmtunar í aldaraðir, munu þau Niall Chorell, Laura Pyrrö, Ágúst Ólafsson og Eva Þyri Hilmarsdóttir reyna að bæta skap og létta lund landans með söng og píanóleik. Miðaverð 2500 kr.

Duo Harpverk á 15:15 tónleikum

Tue, 1 Nov 2011 10:27:00 +0000

Duo Harpverk koma fram í Norræna húsinu 13. nóvember kl. 15:15. Þau munu flytja nýja tónlist fyrir hörpu og slagverk. Tónleikarnir eru hluti af 15:15 tónleikaröðinni. Almennt miðaverð er 2000 kr en 1000 kr. fyrir öryrkja, eldriborgara og námsmenn.

Haustdagskrá jazzklúbbssins Múlans

Mon, 10 Oct 2011 15:11:00 +0000

Kynnið ykkur dagskrána framundan.

Tónleikarnir hefjast alltaf kl. 21 og er 1.500 kr aðgangseyrir. Miðasala við innganginn.

Airwaves 2011

Thu, 6 Oct 2011 09:56:00 +0000

Norræna húsið kynnir með ánægju og tilhlökkun Airwaves-off venue- dagskrá sína. Við hefjum leikinn á fimmtudegi kl. 13.00 og munu alls sautján hljómsveitir stíga á stokk. Þar á meðal eru Pétur Ben (IS), Guðrið Hansen (FO), Dad Rocks! (DK), Team Me (NO), Agent Fresco (IS) og 22 Pistepirkko (FI). Tónleikadagskráin er frá fimmtudegi - laugardags en á sunnudaginn verða sýndar myndirnar Temporary Copenhagen og INNI, ný mynd um Sigur Rós.

Ljóðatónleikar

Tue, 4 Oct 2011 09:24:00 +0000

Sunnudaginn 9. október mun Lilja Eggertsdóttir sópran halda ljóðatónleika í Norræna húsinu ásamt Helgu Bryndísi Magnúsdóttur píanóleikara.
Dagskrá tónleikanna inniheldur helst ljóð eftir finnska tónskáldið J. Sibelius en einnig íslensk sönglög og ljóð eftir Grieg og R. Strauss.

Lilja er ein af 27 þátttakendum , sem munu taka þátt í alþjóðlegu
Sibeliusar söngkeppninni í ljóðasöng en hún er haldin í Järvenpää, dagana 23.-29. okt 2011. Hún er eini keppandinn frá Íslandi.

Tónleikarnir hefjast kl. 18.15.
Aðgangseyrir er 1.500 kr.

Klassík í Vatnsmýrinni: "Frændur frá Noregi"

Fri, 23 Sep 2011 10:11:00 +0000

Miðvikudagskvöldið 5. október kl. 20 verða tónleikar í Klassík í Vatnsmýrinni, tónleikaröð Félags íslenskra tónlistarmanna í samvinnu við Norræna húsið. Þessir fjórðu og síðustu tónleikar starfsársins skarta ungum og efnilegum flytjendum frá Noregi. Þetta eru þeir Johannes Martens sellóleikari og Joachim Kwetzinsky á píanó en þeir eru meðal færustu hljóðfæraleikara sinnar kynslóðar í Noregi.

Klassík í Vatnsmýrinni

Mon, 12 Sep 2011 09:50:00 +0000

Miðvikudagskvöldið 14. september kl. 20 verða haldnir tónleikar Í Norræna Húsinu á vegum Klassíkur í Vatnsmýrinni, sem er tónleikaröð Félags íslenskra tónlistarmanna í samvinnu við Norræna húsið. Eru þetta þriðju tónleikar starfsársins og flytjandi verður píanóleikarinn Miklós Dalmay.

Kontrabassinn; músík- leikverk eftir Patrick SÜSKIND

Mon, 22 Aug 2011 13:49:00 +0000

Athugið breyttan tíma: Fimmtudaginn 8.september kl. 20.00 flytur Anders Ahnfelt Rønne sýningu sína Kontrabassann eftir Patrick Suskind. Verkið er sýnt í tengslum við bókmenntahátíðina í Reykjavík. Flutningur fer fram á skýrri og skilmerkilegri dönsku. Aðgangseyrir er 1500 kr.

Kvartett Inga Bjarna 25.ágúst

Thu, 18 Aug 2011 14:43:00 +0000

Fimmtudagskvöldið 25. ágúst spilar kvartett Inga Bjarna Skúlasonar í Norræna húsinu.

Á dagskránni er frumsamin tónlist sem fyrst heyrðist á burtfarartónleikum Inga Bjarna frá Tónlistarskóla F.Í.H. síðastliðið vor. Núna á tónleikunum í Norræna húsinu verða auk þess nokkur glæný lög frumflutt!

Jazzhátíð í Reykjavík 2011

Tue, 16 Aug 2011 13:22:00 +0000

Segja má að Jazzhátíð Reykjavíkur leiti til uppruna síns á þessum tímamótum og efli samstarf við nágrannaþjóðirnar en áberandi er að erlendir gestir eru margir frá Norðurlöndum auk Frakklands, Bandaríkjanna og Austurríkis. Jazzhátíð Reykjavíkur er þakklát Norræna Húsinu og menningarfulltrúum þessara ríkja fyrir að hlutast til um þessar heimsóknir.

Þjóðlagatónleikar með Owe Ronström

Tue, 16 Aug 2011 11:17:00 +0000

Owe Ronström mun halda tónleika í Norræna húsinu þann 18. ágúst kl. 20:00 og mun hann þar leika á fjölmörg hljóðfæri og gefa tónleikagestum sýnishorn af ýmiskonar þjóðlagatónlist.

Alþjóðlegur djassdúett leikur á Menningarnótt

Fri, 5 Aug 2011 09:12:00 +0000

Píanóleikarinn Luke Howard (frá Ástralíu) og bassaleikarinn Janos Bruneel (frá Belgíu) flytja ópusa af diski sínum "Open Road" í Norræna húsinu á menningarnótt. Samstarfsverkefni tónskáldanna tveggja var tekið upp í hinu þekkta Rainbow-hljómveri í Ósló í fyrra.

Lost in a legend eftir Eva Sidén og Jens Hedman 11. ágúst

Tue, 19 Jul 2011 09:09:00 +0000

Í tónverkinu Lost in a legend eftir Eva Sidén og Jens Hedman hefur flygillinn aðalhlutverkið. Tónskáldin Eva og Jens hafa tekið upp hljóð frá flygli sem þau svo breyta í rafræn hljóð ásamt hljóði sem tengist pappír sem þau nota í tónverkið. Eva Sidén og Jens Hedman skapa tónlist sem gefur hlustandanum draumakenndar myndir, tilbúið landslag. Þemað er vatnið og vindurinn. Á tónleikunum er einnig pianosolo eftir Evu og rafrænt verk eftir Jens.

Sigurður Flosason og Cathrine Legardh 26.júlí

Tue, 19 Jul 2011 09:41:00 +0000

Sigurður Flosason og Cathrine Legardh verða með tónleika 26.júlí kl. 20.00. Danska jazzsöngkonan Cathrine Legardh og íslenski saxófónleikarinn Sigurður Flosason hafa tekið höndum saman um nýtt og spennandi verkefni. Saman hafa þau samið 20 ný lög; hún texta og hann lög. Tónlistin hefur verið tekin upp á tvöfandan geisladisk sem kom út hjá hinni virtu Storyville útgáfu í Kaupmannahöfn 18. mars sl. Annar diskurinn inniheldur lög á ensku en hinn geymir önnur lög á dönsku. Meðleikarar eru úr fremstu röð danska jazzheimsins, þeir Peter Rosendal á píanó, Lennart Ginman á kontrabassa og Andreas Fryland á trommur. Miðarnir kosta 1500 kr.

Hljómsveit Støv

Fri, 15 Jul 2011 14:47:00 +0000

Hljómsveitin Støv spilar djassaðar útsetningar af norrænni tónlist. Tónleikarnir fara fram í svartamyrkri og á meðan þeim stendur verður spilað myndband sem listakonan Michelle Carlslund gerði við tónlistina.

Útúrdúr kynnir: Höfundakvöld í Norræna húsinu

Thu, 30 Jun 2011 16:16:00 +0000

Útúrdúr bókverkabúð og útgáfa kynnir útgáfur sínar á höfundakvöldi Norræna húsins fimmtudaginn 7. júlí kl. 20:00. Ásmundur Ásmundsson og bókin hans Kæru vinir ásamt Haraldi Jónssyni og bókinni hans TSYOL (The Story Of Your Life) verða til umfjöllunar. Þetta sama kvöld gefur Útúrdúr út sína nýjustu útgáfu sem er bók eftir Pál Ivan frá Eiðum sem ber titilinn Music – A Thought Instigator (Tónlist – Hugmyndahvati). Að tilefni útgáfunnar mun Páll Ivan frá Eiðum flytja gjörning í tengslum við bókina.

Kammerklúbburinn

Tue, 21 Jun 2011 09:55:00 +0000

Tónleikar 1.júlí kl. 15.00

Kammerklúbburinn er um 20 manna hópur ungra, íslenskra tónlistarnemenda. Þeir koma úr fimm tónlistarskólum í Reykjavík, eru á aldrinum 8 til 18 ára, og spila á fiðlu, víólu, selló og píanó. Í Kammerklúbbnum spila þeir saman í sex kammersveitum, þjálfast með því í að spila tónlist með öðrum og afla sér nýrrar tónlistarreynslu.
Samstarf klúbbfélaganna byggir og faglegum metnði og vináttu.

Klassík í Vatnsmýrinni 2011

Thu, 9 Jun 2011 11:28:00 +0000

Miðvikudagskvöldið 15. júní kl. 20 verða haldnir tónleikar á vegum Klassíkur í Vatnsmýrinni, sem er tónleikaröð Félags íslenskra tónlistarmanna í samvinnu við Norræna húsið. Eru þetta aðrir tónleikar starfsársins og flytjendur verða þeir Emil Friðfinnsson, hornleikari og Þórarinn Stefánsson, píanóleikari. Á efnisskránni, sem er einstaklega fjölbreytt, eru verk eftir Beethoven, Saint-Saëns og Schumann svo og Tryggva M. Baldvinsson, Leif Þórarinsson og Herbert H. Ágústsson

Agneta Ekholm sýnir málverk

Wed, 8 Jun 2011 13:50:00 +0000

Finnska listakonan Agneta Ekholm, sem búsett er í Ástralíu, sýnir málverk í anddyri Norræna hússins. Ekholm vinnur með akrýl, vatn og svampa við gerð myndanna.Hún tekur yfirleitt langar vinnutarnir og einbeitir sér þá oft að litlum hluta myndarinnar í senn. Sýningin er frá 9.júlí - 14.ágúst. Agneta Ekholm verður viðstödd opnunina.

ADHD á Múlanum

Mon, 16 May 2011 14:55:00 +0000

Á næstu tónleikum tónleikaraðar Jazzklúbbsins Múlans, miðvikudaginn 18. maí kemur fram hljómsveitin ADHD. Meðlimi ADHD þarf vart að kynna en hún er skipuð þeim Óskari og Ómari Guðjónssonum, Davíð Þór Jónssyni og Magnúsi Trygvasyni Elíassen. Hljómsveitin fór í hljóðver í febrúar s.l. og tók upp sína aðra breiðskífu og ætla félagarnir að spila efni af þessum óútkomna diski, í bland við eldra efni. En þess má geta að fyrsta plata þeirra hlaut verðlaun í flokknum jazzplata ársins á Íslensku Tónlistarverðlaunum árið 2009. Af þessum tónleikum má enginn missa af.

Orka í Norræna húsinu

Thu, 12 May 2011 11:40:00 +0000

Færeyska hljómsveitin Orka verður með ókeypis tónleika í Norræna húsinu 26.maí kl. 20.00. Þá mun hljómsveitin flytja nýtt efni í bland við gamalt. Hljómsveitin er nýstárleg og hefur vakið athygli fyrir frumlegar lagasmíðar og óvenjuleg hljóðfæri sem jafnan eru heimasmíðuð. 26.maí kl. 20.00

Klassík í Vatnsmýrinni 15.júní

Mon, 9 May 2011 12:45:00 +0000

Miðvikudagur 15. júní 2011 kl. 20 „Himneskt horn”, Emil Friðfinnsson, horn og Þórarinn Stefánsson, píanó. Klassík í Vatnsmýrinni er tónleikaröð Félags íslenskra tónlistarmanna í samvinnu við Norræna húsið með áherslu á norrænt og alþjóðlegt samstarf. Markmiðið með tónleikaröðinni er að gefa áheyrendum tækifæri til að hlýða á fyrsta flokks innlenda og erlenda listamenn með áherslu á „einleikarann” annars vegar og „kammertónlist” hins vegar